ໂຄງການ JuSTICE ເຮັດວຽກຮ່ວມມືຢ່າງໃກ້ຊິດກັບບັນດາສະຖາບັນ ເເລະ ອົງການຈັດຕັ້ງຕ່າງໆທີ່ສໍາຄັນໃນຂະເເໜງຍຸຕິທໍາ ເຊິ່ງລວມມີ ກະຊວງຍູຕິທໍາ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ສະພາທະນາຍຄວາມ ເພື່ອສ້າງຄວາມເຂັ້ມເເຂງໃຫ້ກັບພັນທະ ເເລະ ບົດບາດຂອງບັນດາສະຖາບັນດັ່ງກ່າວ ລວມທັງການໃຫ້ການບໍລິການກ່ຽວກັບວຽກງານທາງດ້ານກົດໝາຍເເກ່ປະຊາຊົນໃຫ້ມີປະສິດທິພາບຍິ່ງຂື້ນ. ໂຄງການດັ່ງກ່າວ ເເມ່ນການລິເລີ່ມທີ່ສຸມໃສ່ການຫຼູດຜ່ອນສິ່ງກິດຂວາງທາງດ້ານໂຄງສ້າງການຈັດຕັ້ງ ເເລະ ຂັ້ນຕອນຕ່າງໆໃນການເຂົ້າເຖິງທາງດ້ານກົດໝາຍ ໂດຍການປັບປຸງຂອບວຽກສະຖາບັນໃຫ້ທັນສະໄໝ, ເຊື່ອມສານການຄຸ້ມຄອງຄະດີໃຫ້ເຫັນລະບົບ, ເເລະ ການໃຫ້ການບໍລິການທາງດ້ານກົດໝາຍທີ່ງ່າຍ ເເລະ ສະດວກໃຫ້ກັບຜູ້ຕ້ອງການໄດ້ຮັບການບໍລິການ. ໂດຍຜ່ານການຈັດຕັ້ງປະຕິບັດວຽກງານເຫຼົ່ານີ້ ໂຄງການເເນໃສ່ໃນການໃຫ້ການສະໜັບສະໜຸນ ເພື່ອສ້າງລະບົບຄວາມຍູຕິທໍາໃນ ສປປ ລາວທີ່ມີຄວາມໂປ່ງໃສ, ມີປະສິດທິພາບ, ເເລະ ສາມາດເຂົ້າເຖິງໄດ້ ເພື່ອສາມາດຕອບສະໜອງທີ່ດີກວ່າໃຫ້ກັບຄວາມຮຽກຮ້ອງຕ້ອງການຂອງຊຸມຊົນໃນ ສປປ ລາວ.