ໂຄງການ ບໍລິການທາງກົດໝາຍ ແລະ ການເສີມຂະຫຍາຍຂີດຄວາມສາມາດໃຫ້ສູນຝຶກອົບຮົມທາງດ້ານຍຸຕິທຳ ຢູ່ ສປປ ລາວ (JuSTICE) ເເມ່ນໂຄງການຮ່ວມມືລິເລີ່ມເພື່ອການສ້າງຄວາມເຂັ້ມເເຂງໃຫ້ກັບການສ້າງລັດເເຫ່ງກົດໝາຍໃນ ສປປ ລາວ. ໂຄງການດັ່ງກ່າວເເມ່ນໄດ້ຮັບທຶນການຊ່ວຍເຫຼືອຈາກອົງການຝຣັ່ງ ເພື່ອການພັດທະນາ (AFD) ເເລະ ນໍາພາໃນການຈັດຕັ້ງປະຕິບັດໂດຍ ກະຊວງຍຸຕິທໍາ.  

ໂຄງການ ໄດ້ຮ່ວມກັບຫຼາຍໆພາກສ່ວນ ທີ່ເປັນສະຖາບັນ ເເລະ ອົງການທີ່ສໍາຄັນໃນຂະເເໜງຍຸຕິທໍາຂອງ ສປປ ລາວ ເຊິ່ງລວມມີດັ່ງນີ້:  

• ກະຊວງຍຸຕິທໍາ ເເລະ ບາງກົມທີ່ສໍາຄັນຂອງກະຊວງ ເຊັ່ນ: ກົມຈັດຕັ້ງປະຕິບັດຄໍາຕັດສິນຂອງສານ, ກົມກົດໝາຍ, ກົມຮ່ວມມືສາກົນ, ກົມຄຸ້ມຄອງ ແລະ ສົ່ງເສີມວຽກງານຍຸຕິທຳ, ເເລະ ກົມໂຄສະນາເຜີຍເເຜ່ກົດໝາຍ.
• ອົງການໄອຍະການປະຊາຊົນສູງສຸດ ເເລະ ສະຖາບັນຄົ້ນຄວ້າ ເເລະ ຝິກອົບຮົມ
• ສານປະຊາຊົນສູງສຸດ ເເລະ ສະຖາບັນຄົ້ນຄວ້າ ເເລະ ຝິກອົບຮົມ
• ສະພາທະນາຍຄວາມລາວ  
• ສະຖາບັນຍຸຕິທໍາເເຫ່ງຊາດ
• ກະຊວງຊັບພະຍາກອນທໍາມະຊາດ ເເລະ ສິ່ງເເວດລ້ອມ  

ໂຄງຮ່າງການຈັດຕັ້ງໂຄງການມີດັ່ງນີ້:

• ຄະນະຊີ້ນໍາໂຄງການ: ມີພັນທະໃນການຊີ້ນໍາ ເເລະ ອະນຸມັດທິດທາງຍຸດທະສາດການຈັດຕັ້ງປະຕິບັດໂຄງການ ເເລະ ແຜນກິດຈະກໍາປະຈໍາປີ.  
• ຄະນະຜູ້ປະສານງານໂຄງການ: ເຊິ່ງເປັນກົງຈັກເພື່ອຮັບປະກັນການປະສານງານ ເເລະ ການເຊື່ອມສານຄວາມສອດຄ່ອງໃນການຈັດຕັ້ງປະຕິບັດກິດຈະກໍາລະຫວ່າງຄູ່ຮ່ວມງານໂຄງການດ້ວຍກັນ.  
• ຜູ້ປະສານງານໂຄງການປະຈໍາເເຕ່ລ່ະສະຖາບັນ: ຜູ້ຮັບຜິດຊອບໃນການປະສານງານເພື່ອການຈັດຕັ້ງປະຕິບັດກິດຈະກໍາຕາມທີ່ກໍານົດໄວ້ຂອງເເຕ່ລ່ະໂຄງການ.  
• ຄະນະຄຸ້ມຄອງໂຄງການ: ຮັບຜິດຊອບໃນການປະສານງານ, ຄຸ້ມຄອງ ເເລະ ຈັດຕັ້ງປະຕິບັດໂຄງການໂດຍລວມ.  

ໂຄງສ້າງການຈັດຕັ້ງຂອງຄູ່ຮ່ວມງານນີ້ຈຸດປະສົງເເມ່ນເພື່ອການໝູນໃຊ້ຊັບພະຍາກອນທັງໃນດ້ານງົບປະມານ ເເລະ ຄວາມຮູ້ວິຊາການໄດ້ຢ່າງມີປະສິດທິພາບ ເພື່ອໃຫ້ສາມາດບັນລຸຜົນຕາມເປົ້າໝາຍຂອງໂຄງການທີ່ໄດ້ວາງໄວ້ ນັ້ນກໍຄືການສົ່ງເສີມການສ້າງລັດເເຫ່ງກົດໝາຍ ເເລະ ຄວາມອາດສາມາດຂອງຂະເເໜງຍຸຕິທໍາໃນ ສປປ ລາວ.